Losgoed
Daar moet ‘n deeglik uiteengesette
lys wees van die losgoed wat verkoop word.Die verkoper moet daarteen waak om kleiner losgoed soos
grawe, skêre, gereedskap ensovoorts te spesifiseer aangesien dit
dikwels breek of wegraak voor die
koper oorneem.
Werknemers
Daar moet ‘n lys wees van die werknemers wat tans in diens is van die
verkoper asook van vorige werknemers wat verblyfreg geniet op die
plaas. Onthou dat die koper die
werknemers op voorwaardes moet
aanstel wat nie swakker mag wees
as wat hulle by die verkoper gehad
het nie.
Datum van besit
Die kontrak moet duidelik uitspel
wanneer die koper besit neem en
wanneer die risiko en wins en verlies op die koper oorgaan, asook
die okkupasiehuur wat betaalbaar
sal wees indien registrasie na datum van besit plaasvind.
Kostes
Die kontrak moet duidelik bepaal
wie verantwoordelik is vir kommissie, oordragkoste, sertifikaat van
goedkeuring ens.
Boerdery verwante aandele
Die verkoper moet daarop let dat
die koper alle aandele by koöperasies waar hy produkte gelewer het
oorneem, anders kan die koöperasies hom dalk nog verantwoordelik
hou vir kostes in die toekoms, al
lewer hy geen produkte meer nie.
BEE transaksies
By bemagtigings transaksies moet
die verkoper onthou dat hy moontlik lank vir sy geld gaan wag. Hy
moet dus seker maak dat hy in die
tussentyd genoeg inkomste het om
van te lewe.
Soos reeds genoem is elke transaksie waar landbougrond ter sprake is
uniek en sal elke transaksie sy eie
uitdagings en probleme hê. Bogenoemde punte is net ‘n aanduiding
van kwessies wat gereeld opduik en
moet geensins gesien word as ‘n
volledige resep om ‘n suksesvolle
transaksie te beklink nie. Die beste
raad bly steeds om jouself met kundiges te omring wat jou belange op
die hart dra.
Arnand Stofberg – B Agric Admin (US); B Compt (UNISA)
Direkteur: Boshoff Visser Worcester (Edms) Bpk; Boshoff Visser Upington (Edms) Bpk
Tel: 02334 22374 Epos: [email protected]
Bostaande is slegs ter inligting en is geensins advies nie. Boshoff Visser Worcester (Edms.) Bpk. raai alle lesers aan om met 'n kundige finansiële adviseur in verbinding te tree voordat enige beleggingsbesluite geneem word.