Maak presisieboerdery
deel van die oplossing
Artikel en foto’s deur H Truter
SITECH Southern Africa
P
resisieboerdery kan graanboere die voorsprong gee
met landbou in die 21st
eeu. Deur grond optimaal
te benut, kan produsente verrassende resultate verkry. Presisieboerdery
is die toekoms en die toekoms is
hier. Dit is die troos te midde van ‘n
al hoe groter uitdagings om voor te
bly in die graanbedryf. Nie net
produksie-koste nie, maar ook
klimaatstoestande verhoog jaarliks
die druk op die produsent.
Dit laat die vraag ontstaan oor
presies hoe die graanprodusent
gaan oorleef. Om dit te antwoord,
moet `n mens heel voor begin:
Waarmee boer produsente regtig?
Met mielies, sonneblomme, koring,
ja, met al hierdie gewasse, maar die
gemeenskaplike komponent bly in
alle gevalle die grond. Die
produsent wat aan die voorpunt
bly, benut sy grond optimaal in sy
gegewe toestande.
Dit is waar die waarde van
presisieboerdery lê, nie in die feit
dat die trekker nou sonder `n
handlanger mooi reguit loop nie,
maar in die potensiële bydrae wat
dit tot ‘n totale operasie kan lewer.
Vir ‘n hele aantal jare reeds kyk
sommige boere op na die hemele,
maar nie vir reën nie, soms vir reën
ook, maar eerder na satelliete wat
die pad vir hulle trekkers en implimente moet aanwys in die lande.
Niks behoort aan die toeval oorgelaat te word nie: Hoe meer elemente ontleed, vertolk en daarvolgens
bestuur kan word, hoe beter sal jou
opbrengs lyk en hoe minder koste
sal jy hoef aan te gaan.
As boere in die toekoms volhoubaar
en winsgewind wil produseer, is dit
onafwendbaar om hulself tot presisieboerdery te wend. Die voordeel
daarvan om produksiemiddele teen
volle doeltreffendheid aan te wend,
spreek vanself. Om nie eens te praat
van die verbetering wat dit in opbrengste te weeg bring nie.
Daar is vandag ‘n reeks maatskappye in Suid Afrika wat produkte aan
die boer kan bied wat sal verseker
dat die koste van produksiemiddelle tot op die been gesny
word en optimale opbrengste
gelewer kan word. Van hierdie
maatskappye bied die volledige
pakket vir presisieboerdery aan
boere. Van opbrengskarteringstelsels deur middele van GPS
(globale posisioneringstelsel) tot ten
volle geoutomatiseerde stelsels wat
teen ‘n wisselende tempo tot en
met vyf verskillende produkte (in ‘n
vloeistof-, korrel- of gasvorm) kan
lewer volgens ‘n vooraf saamgestelde kunsmis aanbevelingskaart.
Die kaart word saamgestel deur
vooraf ‘n fisiese grondprofiel en
chemiese analise van die grond te
neem, dit te ontleed en dan ‘n aanbevelingskaart saam te stel. Dit alles
word met geintegreerde sagteware
en skerms beheer om te verseker
dat die regte middels, soos kunsmis, saad, onkruiddoder, ens. op
die regte plek toegedien word. Dit
bring mee dat landbouchemikalieë
nie onnodig aangewend word waar
dit nie deur die plant gebruik sal
word nie. Sodoende word alle
produksiemiddels uiters doeltreffend aangewend.
Die kostebesparing is reusagtig en
meer as een werktuig gebruik die-