lang pad daarmee saam. Hulle is
daarby saam nogal ‘n kosmopolitaanse groep, en sluit onder meer
mense afkomstig van Lesotho, SuidAfrika, Belaroes, Rusland en die
Oekraïne in.
Toe die panele sowat vier jaar gelede amptelik by die US begin is,
moes die lede nog hul waarnemings met potlood en papier vaslê.
Deesdae is hulle al goed geskool in
die gebruik van spesifieke rekenaarsagteware. Die data word deur
Jeanne Brand en Valeria Panzera en
hul spanne verwerk, en dan deurgegee aan die betrokke navorser of
student wie se wyne aan die beurt
gekom het.
Dis nie kinderspeletjies om spesifieke style en kultivars te kan vergelyk en te kan beskryf nie. Voor elke
reeks proë moet die paneellede as’t
ware gekalibreer en gestandariseer
word sodat hulle weet wat hulle
met die mond ervaar en met die
oog sien, én hoe om dit so duidelik
moontlik te kan uitdruk.
Om byvoorbeeld vir prof Wessel du
Toit en sy nagraadse studente van
waarde te kan wees in hul navorsing oor die invloed van oksidasie
op Sauvignon Blanc, moes die
paneellede eers opgelei word oor
die fynere detail van hierdie witwyn. Eers daarna kon hulle begin
om die verskillende wyne wat vir
navorsingsredes danksy verskillende
behandelingsmetodes gemaak is,
sensories te vergelyk. Jeanne Brand,
wat een van die panele lei, is op
haar beurt besig met haar PhDnavorsing. Sy gebruik weer die
panele se fyn sintuie om vinniger
sensoriese evalueringsmetodes te
kan ontwikkel – en dit verg baie
proewerk!
Die proepanele se vaardighede
word meestal vir interne navorsingsredes gebruik. Jou beste opsie
om self te kan proe watter wyne by
die Uni-versiteit Stellenbosch
gemaak word, is om ‘n bottel of
twee Die Laan of Rooiplein Maties
wyne te probeer. Dit word in die
Universiteit se eie Welgevallen
Kelder gemaak.
Om hiervan te bestel, kontak
keldermeester Riaan Wassung
([email protected]) of besoek
die Facebook blad “Die Laan
Wines”.