D
rie jaar gelede, aan die
begin van Februarie
2013, het die dorp en
die gemeenskap van
Bredasdorp eensklaps, sonder
waarskuwing en om al die verkeerde redes, die middelpunt van
globale media belangstelling geword. Soos almal weet, het dit nie
daarby gebly nie…
Op Valentynsdag 2016, gee die
gemeenskap die eerste opwindende
tree op die pad na herstel, in die
hoop dat die wolk van onheil en
negatiwiteit wat die afgelope drie
jaar oor die dorp gehang het, uiteindelik en met mening verdryf sal
kan word.
Op Sondag 14 Februarie tree die
internasionaal bekende SuidAfrikaanse rockgroep, die
PARLOTONES, op Bredasdorp op.
Wat meer is, die groep wat op
Valentynsdag op die Mega Park
Artikel en foto deur Ora Laubscher
terrein gaan optree, het ingewillig
om 30% van hulle inkomste aan die
Anene Booysen Stigting, wat by
hierdie geleentheid amptelik bekend gestel gaan word, te skenk.
Amy Neethling, een van die spanlede van die Aksie wat homself
daarvoor beywer om die negatiewe
persepsies van die area met mening
om te keer, was instrumenteel in
die onderhandelinge om beide die
“Parlotones” en die span ondersteunende kunstenaars wat twee
voormalige Idols-sterre insluit, se
dienste te bekom vir hierdie baie
besondere geleentheid!
Meer oor Kaap Agulhas
Strategiese Aksie
Daar is onder meer gekyk na
maniere waarop die Sakekamer en
plaaslike sakemanne in samewerking met die plaaslike owerheid,
die breë gemeenskap positief kan
inspireer om uiteindelik eienaarskap
Gerda Kriel, Zoon Jacobs en Amy Neethling besig met reëlings
vir die Parlotones se optrede op 14 Februarie op Bredasdorp
te neem van “hulle dorp en
gemeenskap”.
Voordat ‘n mens egter met mening
“eienaarskap” van iets kan neem,
moet jy ‘n visie vir jouself skep
waarin jyself en ander mense kan
glo en waarop julle uiteindelik saam
kan trots wees. Volgens die span
van ses direksielede wat aan die
roer staan van hierdie nie-winsgewende maatskappy, is die
optrede van die PARLOTONES, die
eerste stap onderweg na die verwesenliking van hierdie positiewe
visie vir die gemeenskap van
Bredasdorp en omstreke. Zoon
Jacobs, woordvoerder van Kaap
Agulhas Strategiese Aksie het gesê:
“Die feit dat die 14e Februarie om
alles te kroon ook Valentynsdag is,
maak die geleentheid sommer
ekstra spesiaal!”
‘n Lippeleklekker gesinsgeleentheid en die begin van
groot dinge vir Kaap Agulhas!
Die gedagte is dat veral gesinsgroepe en groepe vriende sal inkoop, piekniekmandjies sal saambring of sommer by een van die
talle gemeenskapsstalletjies iets te
ete sal koop om daarna saam die
middag se musikale spyse te geniet.
Studente en skoliere wat wonder
oor “die huistoegaan na die tyd”,
kan daarvan verseker wees dat die
geleentheid wat om 13h00 met
ondersteunende musikante afskop,
teen 17h00 afgeloop sal wees. Dit
laat meer as genoeg tyd om selfs
nog terug te ry na Stellenbosch,
Wellington of Kaapstad!
Kaartjies is beskikbaar by
Computicket
of kontak Gerda by 073 428 1199
vir meer inligting.