Artikel deur Kobus Lourens
Boshoff Visser
D
ie langverwagte
verandering in aftrede
besparing wetgewing is
deur President Zuma
afgeteken en is vanaf 1 Maart 2016
in werking. Daar was baie spekulasie, ontevredenheid asook publieke
en industrie terugvoer rondom
hierdie wetgewing. Die veranderinge kan as volg opgesom word uit
die wet.
Bydraes tot aftreefondse wat aftrekbaar is vir belasting verhoog na
27,5% van belasbare inkomste
(voorheen 15%). Die 27,5% word
egter beperk tot R350 000. Bydraes
tot voorsorgfondse is ook aftrekbaar van belasbare inkomste.
Werkgewerbydraes tot werknemerpensioen en -voorsorgfondse sal
ingesluit word in die werknemer se
bruto inkomste as ’n byvoordeel.
Werknemers sal gevolglik hierdie
bydraes as hulle eie hanteer met die
berekening van hul totale bydraes.
Van 1 Maart 2016 word alle aftreefondse gelykvormig hanteer.
Gevolglik sal voorsorgfondslede,
soos alle ander aftreefondslede,
tydens aftrede slegs een derde van
hul fondswaarde in kontant kan
neem. Die twee-derdes wat oorbly
moet in ’n inkomste genererende
produk belê word.
Bestaande voorsorgfondslede
behou egter hul reg op die fondswaarde, plus toekomstige groei,
van voor 1 Maart 2016. Indien ’n lid
van ’n voorsorgfonds 55 of ouer is
op 1 Maart 2016, sal die nuwe
wetgewing, ten opsigte van voorsorgfondse, nie van toepassing
wees nie. Hierdie lid sal steeds toegang hê tot sy volle fondswaarde
met aftrede.
Lede van aftreefondse waarvan die
fondswaarde minder as R247 500
is, sal die volle waarde kan onttrek
met aftrede indien dit hulle keuse
is. Dit is ‘n toename in die huidige
waarde van R75 000.
Veranderinge wat egter vanaf 1
Januarie 2016 in werking is, is dié
van toepassing op boedels. Bydraes
gemaak op of na 1 Maart 2015 in ’n
aftreefonds, maar waarvoor die lid
nie ’n belastingaftrekking ontvang
het nie, word ingesluit by die
berekening van boedelbelasting.
Bydraes waarvoor ’n belastingaftrekking nie ontvang is nie, maar
wat deel uitmaak van ’n enkelbedrag uitbetaling aan die lid of
wat gebruik is om die belasting op
die inkomste annuïteit te verminder,
word egter nie ingesluit vir die
berekening van boedelbelasting nie.
Bostaande is ‘n kort opsomming
van die veranderinge rondom die
wetgewing. Ons beveel aan om met
u finansiële adviseur die veranderinge te bespreek en, indien nodig,
aanpassings aan u bestaande
portefeulje te maak.
Kobus Lourens
Besturende direkteur: Boshoff Visser Finansiële Dienste (Edms.) Bpk.
Bostaande inligting is slegs vir kennisname en is geensins advies nie. Boshoff Visser Finansiële Dienste (Edms.) Bpk. is 'n
geregistreerde finansiële diensverskaffer met FSP lisensienommer: 11969.