M
nr Breyton Milford, Operasionele
Bestuurder van Agri-Expo, is tydens
die Algemene Jaarvergadering van
die Nasionale Jeugskou Vereniging
in Desember as Voorsitter van hierdie organisasie
aangewys. Hy neem oor by Mnr Izak van der Colff
wat na 5 jaar as Voorsitter uitgetree het.
Milford het sedert 2010 op die bestuur van die
vereniging gedien en het ‘n lang vebintenis met
jeugskoue. Tydens sy hoërskool loopbaan het hy
self aan jeugskoue deelgeneem, daarna as beoordelaar opgetree en is tans ook Voorsitter van die
Wes-Kaap Jeugskou.
Volgens Milford is daar ‘n blink toekoms vir Jeugskou. “ Jeugskou kan en moet ‘n groter rol in die
Suid-Akfrikaanse Landbou speel. Dit is ‘n voedingsbron vir ons toekomstige leiers in landbou en dit
kan duidelik gesien word in die prestasies van oud
Jeugskou deelnemers op tersiêre vlak sowel as in
hul onderskeie beroepe.”
Milford se doelwitte is om Jeugskou meer toeganklik te maak vir alle skole. “Hier is ‘n geleentheid om
toekomstige landbouers te kweek vir Suid-Afrika”
Hy doen ‘n beroep op elke landbouer, landboubesigheid en die regering om jeugskoue te om-arm en
te help bou aan ons toekomstige landbouers.
Vir meer inligting kontak:
Breyton Milford, Voorsitter van die Nasionale Landbou Jeugvereniging by [email protected] of
021 975 4440
Hennie Prinsloo, Sekretaris van die Nasionale Landbou Jeugvereniging by [email protected] of
082 671 9712
Breyton Milford, Voorsitter: Nasionale Jeugskou
Vereniging
Agri Kultuur wil hiermee graag vir Breyton alle sukses
toewens met sy nuwe portefeulje. Uit ons ondervinding
van jeugskoue, is dit dié plek en geleenthede waar die
toekoms van landbou in ons mooi land lê. Ons doen
ook ‘n beroep op ons boere om hierdie grootse inisiatiewe met raad en daad te ondersteun! Mag ons
binnekort die groen en goud ook in hierdie sport sien!