tongetjies reeds verskyn het toe
die loot afgesny is, het nie vergroot nie, terwyl die jonger afgesnyde blare voortgegaan het
om te vergroot. Die mate van
vergroting neem af hoe jonger
die blaar is. Die oudste blaar,
waarvan ‘n tongetjie nog nie
verskyn het toe die blaar afgesny
was nie, is nou ten volle ontwikkel.
D = Die loot ongeveer 4 tot 6
weke nadat dit afgesny is. Die
twee oudste blare het verouder
en die drie blare wat nog besig
was om te vergroot toe die loot
afgesny is, is nou ten volle vergroot (tongetjies het verskyn).
Twee nuwe blare wat nie afgesny is nie, het verskyn, maar
hulle tongetjies word in die ouer
blaarskedes beskerm. Die loot
het vyf groen blare wat besig is
om te verskyn, net soveel as
voordat dit afgesny is.
Teoreties gesproke is 25 mm
hoogte die strafste wat ‘n skaap ‘n
rooigraspol kan ontblaar, wat
plaasvind tot by die tongetjie
hoogte van die eerste blaar (Figuur
3). Dit laat slegs die blaarskede oor
van die eerste blaar om die fotosintese proses met die aanvang te
hervat. Ongelukkig is die fotosintese aktiwiteit van hierdie blaargedeelte laag en is die grasplant
gevolglik grootliks aangewese op
die onttrekking van gestoorde
groeireserwes om vinnige hergroei
te verseker. Hierdie groeireserwes
wat in noodgevalle gebruik word,
word in die stoppel, stingelbasis en
wortels geberg. Hierteenoor sal die
strafste ontblaring (50 mm) deur ‘n
bees uitgevoer, tot by die tongetjie
hoogte van die tweede blaar wees
(Figuur 3). Hier is ook aanvanklik na
ontblaring net onaktief fotosinterende blaarskedes oor en weereens is die graspol aangewese op
die onttrekking van groeireserwes
vir hergroei. Sou so ‘n ontblaringsproses hom op ‘n reëlmaat herhaal,
sal die gestoorde groeireserwes
uitgeput raak en tot ‘n minder
groeikragtige graspol aanleiding
gee of dele daarvan mag selfs
afsterf. Die algemene afleiding kan
dus gemaak word dat hetsy ‘n
skaap of bees met hulle onderskeie
strafste intensiteite van ontblaring
die graspol ontblaar, dit die plant in
elk geval laat op ‘n vlak waar
gebergde groeireserwes essensieel
is vir hergroei weens onaktief fotosinterende gedeeltes agter gelaat
op die grasloot. Die impak op hergroei van ‘n 25 of 50 mm hoogte
ontblaring behoort dus teoreties nie
veel van mekaar te verskil wat hergroei aan betref nie. Die werklike
praktiese invloede van hierdie verskillende intensiteite van ontblaring
op produktiwiteit van spesifiek
rooigras word in die opvolg reeks
artikels in meer detail bespreek.
Gids tot volhoubare produksie van weiding
Die gewilde weidingboek saamgestel deur professor Hennie Snyman
(Departement Vee-, Wild- en Weidingkunde, Universiteit van die
Vrystaat) is pas herdruk.
Beskikbaar by: [email protected]
Tel 021 4064962
R400
plus
posgeld
Kan ook direk elektronies bestel word deur te gaan na:
www.landbou.com
Gaan heel na “winkel”, en kies dan “weidingboek.”
Die boek kan dan met ‘n Kredietkaart bestel word.
‘n Moet vir elke vee- en wildboer!