Groeipunt- en lootontwikkeling
Voordat die ontblaringsbevindinge
wat in die volgende reeks artikels in
detail bespreek gaan word aangebied word, is dit van kardinale belang om eerstens na die morfologiese ontwikkeling en aanpassings van die grasplant te kyk ten
einde die impak van ontblaring
daarop beter te verstaan. Die ontwikkeling van ‘n graspol word aan
die lote gemeet. ‘n Grasplant of pol bestaan dus uit ‘n versameling
van lote. By meerjarige grasse leef
die lote dikwels nie langer as die
van eenjarige grasse nie, maar hulle
is meerjarig vanweë hulle vermoë
om sekondêre lote op die pol te
vorm wat die oorspronklikes vervang. Die sekondêre lote word nie
noodwendig op dieselfde tyd gevorm nie, sodat meerjarige grasplante/polle uit ‘n versameling lote
van verskillende ouderdomme
bestaan (Figuur 1). ‘n Loot bestaan
uit ‘n blaarskyf (lamina) en ‘n blaarskede, met die tongetjie (ligula) ongeveer in die middel van die blaar.
Figuur 1. Rooigraspol (Themeda triandra) bestaande uit verskillende
lote (nommers 1 tot 3 is blare volgens ouderdom op ‘n spesifieke loot)
Figuur 2. Groeipunt van rooigras (nommers 1 tot 7 is blare volgens
ouderdom)
Die gebied op die loot/stingel waar
die blaar en laterale knop vasgeheg
is, word die knoop genoem (Figuur
2). Die groeipunt van die grasloot,
wat net bokant die grondoppervlakte geleë is, kan as die beheersentrum beskou word en is vanwaar
nuwe blare ontwikkel (Figuur 2).
Die groeipunt bestaan uit ‘n apikale
meristeem met die jongste selle, die
sogenaamde promeristeem aan die
punt. Jong blare ontstaan as klein
swellings op die groeipunt, ontwikkel later tot voue en hierdie voue
ontwikkel verder tot blare, afwisselend langs die as van die groeipunt.
Hierdie vroeë stadium van ontwikkeling (voue) staan bekend as die
primordia. Nuwe graslote ontstaan
as ‘n klein groeiknop in die oksel
van ‘n basale blaar op die kroon van
die plant, naby of net onder die
grondoppervlakte. Elke sekondêre