Foto: agrobiodiversityplatform.org
operative (WORC), ‘n geregistreerde
lanboukoöperasie. WORC is gestig
in 2009 deur 53 individuele boere
en het tans oor die 90 lede waarvan
sommige ook wilde rooibos oes.
Hierdie groep begeesterde boere
(mans en vrouens) het met hulle eie
geld, sweet en unieke bydraes wat
hulle kon maak hulle eie teebaan
gebou en kantore en store opgerig
op eiendom van die Morawiese
Kerk in die Wupperthal dorpsgebied. Onder die leiding van die
algemene bestuurder, Barend
Salomo, het hulle hul besigheid en
infrastruktuur ontwikkel, die nodige
kantoortoerusting en masjienerie
aangeskaf, Fair Trade en organiese
sertifisering bekom en nismarkte vir
hulle rooibos gevind.
Tans is WORC ook die enigste
koöperasie in Wupperthal wat sy
eie rooibostee vervaardig (primêre
verwerking) voor dit verkoop word,
en nie net die geoeste materiaal
verkoop nie. Sekondêre verwerking
en pasteurisasie vind plaas by Kings
Products naby Graafwater en WORC
verkoop die meeste van hulle tee
aan TopQualiTea (TQT) wat dit
hoofsaaklik oorsee bemark en ook
plaaslik verpak en bemark - teen
premiepryse. Daar het die afgelope
jare ’n noue en wedersyds voordelige band ontstaan tussen WORC
en TQT tot die punt waar albei
Foto: www.upload.wikimedia.org
besighede nodig het om ernstig te
kyk na die toekomstige groei in
vraag en om produksie te verbeter.
Alhoewel rooibos as’t ware sy oorsprong in Wupperthal het is dit ’n
relatief afgeleë en onderontwikkelde plek en verboude rooibos word
nog op baie tradisionele maniere
geboer. Alhoewel WORC begin het
met ondersteuning en landboutoerusting vir sy lede boer die
meeste lede (soos die res van die
Wupperthal gemeenskap) baie
arbeidsintensief en op klein skaal,
wat rotasie aanplanting en wisselbou met gepaste dekgewasse baie
moeilik maak. Met die groeiende
markte vir nisprodukte (soos
Wupperthal Rooibos) en geleenthede om die besigheid uit te brei is
die uitdaging nou om te verseker
dat produksie volhoubaar verhoog
word. Dit beteken dat beskikbare
grond optimaal benut moet word
en gesond moet bly om volgehoue
produksie te verseker. Dit beteken
ook dat meer koste-effektiewe
produksiemetodes toegepas moet
word.
Wupperthal is reeds een van die
Wes-Kaap Departement Landbou
(Elsenburg) se meganisasie projekte
en trekkers, sleepwaens en implemente is beskikbaar vir boere teen
slytasiekoste. Rooibos boerdery
vereis egter verskeie pasmaak
implemente wat nie algemeen beskikbaar is nie en spesiaal gebou
moet word. D it is nodig sodat
bewaringsboerdery toegepas kan
word om die grond te beskerm en
organiese materiaal in die bogrond
te behou, asook om onkruidbeheer
te verbeter. Saam met die toerusting is opleiding ook nodig om
boere in staat te stel om moderne
boerderymetodes te gebruik.
TopQualiTea het reeds aan die
begin van 2014 ’n konsultant,
Gerhard Pretorius van Natura Libra
Omgewingsdienste, aangestel om
WORC se lede by te staan met opleiding, advies en tegniese ondersteuning. Dit is een van die raar
gevalle waar ’n privaatmaatskappy
ondersteuningsdiens aan boere
direk befonds.
WORC het reeds goed gevorder op
die pad na volhoubaarheid deurdat
daar dringend gekyk word na boerderybeplanning, bewerkingsmetodes en die keuse en aanskaffing van
geskikte implemente, wisselbou en
geskikte rotasieperiodes, onkruid-en
siektebeheer (alle WORC rooibos
word organies geboer), asook die
herstel van grondvoedinstowwe en
–gesondheid. Stelsels word in plek
gesit om WORC meer effektief as ’n
kollektief te bestuur deur oorhoofse