Promosie-artikel
Varkboerdery is ’n baie intensiewe boerdery wat seker as
een van die beste voorbeelde van presisieboerdery
beskou kan word. Juis daarom is dit uiters belangrik dat
die omgewing waarin die varke moet produseer, so
skoon as moontlik gehou moet word, sê Kobus Raath,
produksiebestuurder van Walt Landgoed by Settlers in
Limpopo. Met 2 500 varksôe wat elkeen ’n gemiddeld
van 11,5 varkies per werpsel produseer, met 2,45 werpsels
per jaar, verstaan ’n mens dat hy uit ondervinding praat.
’n Vogtige omgewing
“’n Sogeenheid soos wat ons het, is uit die aard van die
saak ’n vogtige omgewing wat natuurlik vir vlieë baie
aanloklik is. Daarom is dit krities dat ons vliegbeheermaatreëls uit die boonste rakke moet wees en dit is waar BISA
(Bio-Insectaries South Africa) inkom, met hulle uitstekende
produk en diens. Sedert ons BISA se wespe in ons sogeenheid gebruik, het ons ’n afname in vlieëgetalle van maklik
80% ervaar.” Die wespe Muscidifurax raptor is ’n baie
klein swart wespe, ongeveer 1 tot 2 mm lank, wat in die
nag aktief is. In terme van gedrag is dit baie nader aan ’n
mier as ’n vlieënde wespe, en verkies dit om te loop eerder as om te vlieg. As ’n growwe duimreël kan hulle maklik tot vyftig meter ver versprei en teer hulle op’n verskeidenheid van vliegspesies, insluitende die huisvlieg en stalvlieg. In sy wêreldklas fasiliteit by Jeffreysbaai, teel BISA
hierdie wespe, Muscidifurax raptor, tesame met ’n paar
ander Muscidifuraxen Nasonia-spesies wat in kombinasie
aan kliënte beskikbaar gestel word. Na gelang van die
spesifieke omstandighede sal die verskillende spesies vermeerder.
Só werk dit
“Ons maak van ’n diepputstelsel gebruik,” verduidelik
Kobus, “wat beteken dat al die varkmis en urine in ’n put
opgevang word. Dit is die plek waar baie vlieë kan uitbroei as ’n mens dit nie noukeurig bestuur nie en dit is
presies hier waar ons die houers met die wespe plaas sodat hulle hulle werk kan doen. “Die volwasse wesp steek
die vliegpapies en lê dan ’n eier in die papiewand. As die
eier uitbroei, voed die larwe op die dooie papie. Tussen
19 en 21 dae later kom die wesp te voorskyn en soek dan
na die volgende vliegpapie om die proses te herhaal.”
BISA vermeerder en verpak die wespe vir sy kliënte, wat
dan op ’n gereelde basis die wespe op strategiese
plekke uitsit om die bestaande bevolking aan te vul. Dit
vorm deel van ’n geïntegreerde beheerprogram. Omdat
die wespe op vliegpapies teer, moet volwasse vlieë
steeds beheer word. “Ons gebruik die wespe al seker vir
vier of vyf jaar en ons het vantevore van chemiese beheer gebruik gemaak. Vandat ons die wespe gebruik, is
dit vir ons moontlik om baie minder chemikalieë te gebruik. Ons vul die wespe elke 30 dae aan wanneer BISA
vir ons ’n volgende besending stuur, en wat ons baie
duidelik waarneem is dat die vlieggetalle so ’n week voor
die nuwe besending effens begin toeneem. Sodra die
nuwe wespe uitgesit word, daal die getalle weer merkbaar.”
Gee altyd goeie aandag
’n Baie belangrike faktor, beklemtoon Kobus, is om nie
gedurende die winter minder aandag aan die wespepopulasie te gee nie. Hoewel die vliegpopulasie in die
winter aansienlik laer is, is dit belangrik om vol te hou met
die vervanging van wespe. “Mens weet nooit wanneer
die klimaat skielik gunstig raak vir die uitbroei van vlieë
nie, en as jy met jou broek op die knieë gevang word, is
dit nie so maklik om in te haal nie. Dis baie beter om proaktief te wees en te sorg dat daar genoeg wespe teenwoordig is om hulle werk te doen.” Wat hom betref, som
Kobus op, is daar ’n hele aantal voordele aan die gebruik
van die wespe. “Dis in die eerste plek ’n natuurlike manier
om balans te behou, maar tweedens kan insekte oor tyd
weerstandig raak teen chemiese middels. Dan is daar
natuurlik ook die kwessie van selektiwiteit.
Artikel saamgestel deur Veeplaas
Vir meer inligting, skakel dr Arno Moore
van Bisa by 083 270 4866 of epos
[email protected]