Dr Vlok Ferreira
Nasionale Tegniese Bestuurder, Molatek
Presisieboerdery met akkerbougewasse raak ‘n al bekender begrip. Dieselfde
beginsels kan met groot welslae deur veeboere gebruik word, maar net soos by
akkerbou, verg dit fyn bestuur.
D
aar is groot ooreenkomste tussen presisieboerdery met gewasse
en vee. In beide gevalle
is die welslae van die onderneming
grootliks afhanklik van akkurate en
volledige rekords. Maar rekordhouding hoef nie ingewikkeld te wees
nie. Hou dit eenvoudig, want dan is
dit maklik om dit akkuraat te doen
en daarmee vol te hou.
Die raakpunte tussen presisieboerdery met gewasse en vee, is:
In ‘n saaiboerdery word die
grond gekarteer, die potensiaal
bepaal en die bestuur ooreenkomstig aangepas. Dieselfde
geld in ‘n veeboerdery;
‘n Boerderyonderneming waarvan die bestuur en beplanning
nie reg is nie, sal geen baat vind
by presisieboerdery nie, en
Akkurate en volledige rekords is
‘n voorvereiste om welslae met
enige onderneming te bereik.
Net soos wat die graanboer sy
landerye deur middel van kartering
merk om individuele grondtipes en
–vrugbaarheid aan te dui, moet die
veeboer sy diere merk met ‘n unieke
nommer waaraan dit uitgeken kan
word. Dit maak dit moontlik om akkurate en volledige rekords van elke
dier te hou. Maar ‘n rekordhoudingstelsel dui net aan wat gebeur het.
Dit laat nie die koeie kalf nie.
Dit is onwaarskynlik dat ‘n enkele
bestuursinset wat in ‘n stelsel ingebou word, ‘n verbetering van 20%
sal bewerkstellig. Dit is beter om te
mik om vier insette in te bou wat
elk 5% verbetering tot gevolg het.
Dit is makliker haalbaar. Graan en
vee het ‘n biologiese produksiesiklus. Vir die saaiboer is daar vasgestelde plantdatums. Hy plant nie
heel jaar deur nie omdat toestande
nie deurentyd gunstig is nie. Net so
kan bulle nie heel jaar tussen die
koeie gelos word nie. Bulle kan ook
nie plant as die ‘grond koud en
droog is’ nie en geslagsiektes nie
beheer kan word nie. Soos wat die
saaiboer sy plantery deeglik met
behulp van akkerboukundiges beplan, behoort veeboere hul diere se
dektydperk saam met ‘n veekundige
te beplan. Die regte dektyd is wanneer die koei se hoogste voedingsbehoeftes saam val met die tyd van
die jaar wanneer die veld se voedingswaarde die hoogste is. In die
eerste vier weke ná kalwing is die
koei se voedingsbehoeftes relatief
laag. ‘n Hoë voedingspeil in die tydperk van vier weke tot 14 weke ná
kalwing stimuleer melkproduksie en
kalwers wat vroeg in die kalftyd
aankom, se speengewig is gewoonlik hoër as die laatkommers. Kalwers