Engela Duvenage
C
henin Blanc is die wyndruifkultivar wat seker al
die langste in Suid-Afrika
verbou word – al sedert
Jan van Riebeeck se dae, om die
waarheid te sê. Geskrifte uit die
Kaaps-Hollandse jare verwys soms
na die aanplant van “Steen” en
later selfs ook “Stein”. Dit was egter
alles een en dieselfde ding, het
wingerdkundige prof Chris Orffer
van die Universiteit Stellenbosch
egter al in 1963 beslis.
Volgens bedryfstatistiek uit 2012 is
Chenin Blanc ook die wyndruifkultivar wat die meeste in SuidAfrika geplant word. Tot 18% van
wingerde is daarmee beplant. Die
hele oes eindig egter nie in tipiese
liggroen of deursigtige wynbottels
nie, aangesien ‘n groot deel onder
meer gebruik word vir die distel-
lering van brandewyn.
Sedert die 1990’s geniet Chenin
Blanc ‘n groeiende aansien onder
Suid-Afrikaanse wynliefhebbers,
met wynmakers wat hulself toenemend daarop toelê om verskillende
style en pryswenners te bottel.
(Gaan loer gerus by die Chenin
Blanc Vereniging se webblad
www.chenin.co.za vir ‘n kitskursus
oor dié wyne).