bates tussen die begunstigdes verdeel moet word by beëindiging van
die trust. Daar word dan gewoonlik
ook gestipuleer dat die klousule
geensins die effek sal hê dat die
persoon die trustbates vir homself
of sy boedel kan begunstig nie en
dat die klousule nie veroorsaak dat
die trustbates onder klousule 3(3)(d)
van die boedelbelastingwet as
geagte bates in die individu se
boedel ge-reken kan word nie. Die
Suid-Afrikaanse Inkomste Diens
huldig egter deesdae die seining dat
die feit dat die individu kon besluit
aan wie die bates oorgedra moet
word hom die mag oor die bates
gegee het en dit wel geagte bates
in sy boedel is.
Aangesien bitter min mense wel die
testamentêre voorbehoud in hul
testamente uitoefen is dit veiliger vir
diegene wat dit nie uitoefen nie om
eerder die klousule uit die trustakte
te verwyder. Dit is tog onsinnig om
die risiko te loop as die klousule in
elk geval nie benut word nie. Diegene wat wel in hul testamente
bepaal hoe die trustbates verdeel
moet word kan dit ook oorweeg om
eerder die klousule in die trustakte
te skrap en hulle wense rakende die
verdeling van die trustbates eerder
in ‘n wensebrief te vervat. Dit is nie
wetlik afdwingbaar soos die testamentêre voorbehoud en gepaardgaande uitoefening daarvan in die
testament nie, maar gee wel aan die
trustees ‘n duidelike aanduiding van
die persoon se wense.
Indien boegenoemde drie punte
reg hanteer word behoort daar
geen rede te wees op grond
waarvan die Suid Afrikaanse
Inkomste Diens kan aanspraak
maak om trustbates in ‘n individu
se boedel te belas nie.
Arnand Stofberg – B Agric Admin (US); B Compt (UNISA)
Direkteur: Boshoff Visser Worcester (Edms) Bpk; Boshoff Visser Groep (Edms) Bpk
Tel: 02334 22374
Epos: [email protected]
Bostaande is slegs ter inligting en is geensins advies nie. Boshoff Visser raai alle lesers aan om met 'n kundige finansiële adviseur in
verbinding te tree voordat enige besluite geneem word.