het geen na-werking of residuele
aksie nie.
In talle kringe bestaan ‘n misvatting
dat grondmiddels grootskaalse gras
-skade veroorsaak, wat noodwendig
weiveldverbetering benadeel. Die
stelling is ver van die waarheid,
aangesien die middels juis ontwikkel is met weiveldverbetering
ten doel. Hoewel geringe grasskade
wel kan voorkom, word dit binne
die derde jaar na toediening uitgekanselleer danksy die ontploffing
in die vestiging van grassaailinge.
Chemiese beheer van slangbos kan
reeds so vroeg as die lente geskied
sodra die bosse begin uitloop en
die risiko van veldvure verby is. Die
rede hiervoor is dat hitte afkomstig
van brande die middel sal vernietig
indien dit nie genoeg gereën
(50 mm) het nie. Struike en bos is
nie soos meerjarige grasse ingestel
om groeireserwes te gaan berg net
voor die eerste ryp voorkom nie. Die
algemene opvatting bestaan wel
dat chemiese beheer van slangbos
eers in die herfs moet geskied sodra
hulle groeireserwes gaan berg, om
sodoende die chemiese middel die
effektiefste te laat opneem – wat
totaal nie waar is soos reeds genoem.
Dit is bereken dat met 50% verlaging in weidingkapasiteit van die
Digte stand slangbos
plaas (ongeveer 2 000-3 000
slangbosse per hektaar), teen ‘n
chemiese middel van R450 per ha
spandeer, hierdie koste oor minder
as 3 jaar weer verhaal sal word indien met wolskape geboer word.
Hierdie verhalingskoste sal met die
boer van beeste (speenkalfstelsel)
bietjie langer as 3 jaar neem.
Baie belangrik is dat die koste
van chemiese beheer van
slangbos wel afgespeel moet
word teen die waarde van die
plaas. Is dit nie skokkend dat 'n
boer wie se weidingkapasiteit
van sy weiveld met 75% verlaag is en sy plaas byvoorbeeld R7 000 per hektaar werd
is, nie bereid is om R400 per
hektaar aan chemiese middels
te spandeer nie. Hierdie is ‘n
goeie voorbeeld van vertikale
uitbreiding eerder as horisontaal. Die boer besit reeds die
plaas waarom dit nie optimaal
benut nie.
Die meer diere wat op slangbosvrye
weiveld aangehou kan word, vorm
die kern van die verhaal. Baie
belangrik natuurlik is ‘n opvolgaksie
van beheer nadat die slangbosse
chemies beheer is.
Enkele suksesverhale
Bogenoemde beraming van koste
verhaling word deur dr Chris
Reinecke wat in die Vredefort distrik
boer ondersteun. Die slangbos was
met lugtoediening van Molopo
chemiese getakel. Sy plaas se topografie het hom nie daartoe geleen
om trekkerbespuiting toe te pas nie,
terwyl lugtoediening ook baie
vinnig was. Volgens sy berekening
sal die koste van chemiese beheer,
waar die weidingkapasiteit van sy
weiveld deur slangbosindringing
gehalveer is, na slegs 3 jaar weer
verhaal word. Dit was bereken vir ‘n
beesboerderystelsel.
Op die plaas Eden van mnr Philip
Henning, naby Thaba Nchu, is behalwe vir die intensiewe ekologiese
studies op slangbos deur die
Universiteit van die Vrystaat uitgevoer, ook lugtoediening van
Molopo suksesvol met behulp van
‘n vliegtuig gedoen. Die langtermyn
weidingkapasiteit van hierdie gebied is 5 ha/GVE en die slangbos
besmette gedeeltes se weidingkapasiteit is oor jare verlaag tot
gemiddeld 10.7 ha/GVE weens
slangbos besmetting. Die slangbos
wat beheer was het bestaan uit ‘n
besonder digte stand (ongeveer 7
000 plante/hektaar), wat teen ‘n
rant voorgekom het. Twee jaar na
die suksesvolle beheer van die
slangbos het die weidingkapasiteit
reeds tot 7 ha/GVE verbeter. Dit
moet ook ingedagte gehou word
dat die eerste jaar van toediening ‘n
Slangbos van naby