Groentesop
2 groot uie opgekap
3 huisies knoffel, fyngekap
50 ml olyfolie (of sonneblomolie)
30 ml botter of margarien
8 wortels, in blokkies gesny
3-4 selderystinges, gekap
2 groot aartappels, geskil en in blokkies gesny
2 medium rape in blokkies gesny
1 groot soetpatat in blokkies gesny
2 ryp tamaties, ontvel en opgekap
2 lourierblare
4 kruie naeltjies
20 g tamatiepasta
2 ½ liter water
sout en vars gemaalde swartpeper na smaak
Verhit die botter en olie in ’n groot kastrol. Soteer die uie en knoffel saam tot sag en deurskynend.
Voeg die wortels, seldery, aartappels, patats en rape by. Braai die groente saam vir so 10 minute. Voeg
die tamatie, tamatie-pasta, lourierblare en kruienaeltjies en water by. Geur met sout en vars gemaalde
swartpeper. Bring tot kookpunt en laat stadig kook vir minstens 6 ure. Vul aan met water indien nodig.
As jy van ‘n drukkoker gebruik maak soos ek, is twee ure voldoende. Indien jy egter nog nie tevrede is
met die samestelling nie, kan jy dit vir nog ‘n halfuur verder kook.
Dien op met gerasperde parmesaankaas of cheddarkaas bo-oor gestrooi saam met fyngekapte pietersielie.
‘n Lekker vars broodrolletjie of ‘n stuk Ouma boerbrood met botter, is heerlik hiermee saam.