Agoloso Presents - Atondido Stories Agoloso Presents - Paphata pa Chichewa | Page 99
Paphata pa Chichewa
Chitsanzo: (1) Akuba andikolola ndalama zanga zonse. (2)
Akabwera kuno amafuna andikolole.
(b) Kuchotsa mbewu m’munda.
Chitsanzo: Ndawapeza akukolola chimanga.
Kolopola: Kulanda zonse, kubera munthu.
Chitsanzo: Amukolopola ndalama zake zonse.
Kometsera nkhani: Kuwonjezera zina ndi zina
munkhani.
Chitsanzo: Koma ndiye mwaikometseratu nkhaniyi, ndi
yoona koma?
Kong’ontha: Kupha, kumenya, kumenyetsa chinthu pa
chinachake.
Chitsanzo: (1) Amati akagwira mbewa amaikong’onthetsa
kumpini. (2) Ukadzawaputanso adzakukong’ontha.
Kongola:
(1) Kuoneka bwino.
Chitsanzo: Mkaziyu ndi wokongola.
(2) Kubwereka ndalama.
Chitsanzo: Akongola ndalama zanga.
Konsekonse mpeni wansengwa: Munthu wodanitsa an-
thu woti atenga nkhani uku n’kupita nazo uku.
Chitsanzo: Pakamwa pake ndi pakuthwa, ndi konsekonse
mpeni wansengwa.
Konza pakhomo: Sesa, kolopa.
Chitsanzo: Alendo asanabwere, umafunika kukonza
pakhomo, nanga uve uchite kukulemba pachipumi?
Kuba khonde: Kukambirana pambali.
98