Agoloso Presents - Atondido Stories Agoloso Presents - Paphata pa Chichewa | Page 92

Paphata pa Chichewa
unamuuza ndiye mumati wazikolokota kapena
mungamutchule munthuyo kuti kazikolokota.
Chitsanzo: Ndinamuuzatu nkhani yonse bwinobwino,
koma wakanenena zina. Kazikolokota ameneyu!
Kazinga bodza: Kunama.
Chitsanzo: Ndinawapeza akulikazinga bodza.
Kazitape (kazitule): Munthu wamiseche yemwe amati
akamva nkhani uku, amazinyamula n’kukazikhuthura
kwina. Angatanthauzeno munthu wodanitsa.
Chitsanzo: Pamudzi pano pachuluka akazitape.
Khala la moto: Vuto.
Chitsanzo: Achimwene awo anangowakalasulira makala
amoto n’kuthawa.
Khala pachitsa: Khala wosabereka.
Chitsanzo: Bambo ajatu anakhala pachitsa.
Khala pampemphenu: Kukhala pamavuto.
Chitsanzo: Anzanu ajatu akhala pampemphenu.
Khala tsonga:
(a) Kuchira pobereka mwana.
Chitsanzo: Mayi anali ndi pakati uja wakhala tsonga.
(b) Kukhala pansi bwinobwino.
Chitsanzo: Pasapezeke wogona, aliyense akhale tsonga.
Khala: Munthu wakuda bii.
Chitsanzo: Mkwatiyu ndi khala.
Khalani omasuka: Musachite manyazi kapena kumangi-
ka.
Chitsanzo: Khalani omasuka, mpakwanu pano.
91