Agoloso Presents - Atondido Stories Agoloso Presents - Paphata pa Chichewa | Page 89

Paphata pa Chichewa
Kanyanga pakhosi: Gwira mwamphamvu pakhosi.
Chitsanzo: Amukhululukira ngongole yaikulu, koma iyeyo
akukanyanga mnzake pakhosi chifukwa cha 50 kwacha.
Kanyanga: Kuimba bwino kwambiri gitala.
Chitsanzo: Mwanayu amakanyanga nsambo.
Kanyimbi: Munthu wopanda mphamvu, munthu
wonunkha.
Chitsanzo: (1) Iwe ndi kanyimbi, ndikhozatu
kukuphwasamula. (2) Ndisadzamuonenso kanyimbi uja
pakhomo pano.
Kanyumba komata: Kuchimbudzi.
Chitsanzo: Apita kukanyumba komata.
Kapado: Nkhumba.
Chitsanzo: Analumbira kuti sadzadyanso kapado chifukwa
amamuwenga.
Kapalemoto: Kapolo
Chitsanzo: Enafetu pamudzi paja ndi akapalemoto,
satiwerengera mkomwe.
Kapasule: Munthu wodanitsa.
Chitsanzo: Ameneyu ndi kapasule.
Kape:
(a) Munthu wopusa.
Chitsanzo: Bamboyu ndi kape.
(b) Sefa wansungwi.
Chitsanzo: Ndani wabwereka kape wathu.
Kaphazilambi: Munthu yemwe amafalitsa mabodza.
Chitsanzo: Tachionani chikaphazilambi ndi chimulomo
chake chachikulucho!
88