Agoloso Presents - Atondido Stories Agoloso Presents - Paphata pa Chichewa | Page 84
Paphata pa Chichewa
Chitsanzo: Kalanga ine! N’chifukwa chiyani wachita zime-
nezi.
Kalapsulapsu: Woyenda mozemba, mbava.
Chitsanzo: Kalapsulapsu akadutsa pakhomo, chomwe
chimatsala chimakhala choti walephera kuchinyamula.
Kalavulagaga: Ntchito yowawa kwambiri.
Chitsanzo: Walamulidwa kuti akagwire ntchito ya
kalavulagaga.
Kalawe: Mowa kapena phala lolawa asanayambe kulima.
Chitsanzo: Tipatseni kaye kalawe, kuti tikayamba kulima
tiziona bwinobwino pamene pakupita khasu kuopera
tingadziteme.
Kaliba: Mtsikana wovala bwino.
Chitsanzo: Anyamata ambiri amakonda kuimba miluzi
akaona kaliba.
Kalikiliki: Kusakhazikika chifukwa chogwira ntchito, ku-
chita khama, kutanganidwa.
Chitsanzo: (1) Ndinapeza aliyense ali kalikiliki
kukonzekera ulendo. (2) Aliyense ali kalikiliki kukonzekera
mayeso.
Kalionera: Kuchita zinthu moonera ena.
Chitsanzo: Mwanayu ali ndi kalionera.
Kalipokalipo: Chilipo chimene chikuchitika.
Chitsanzo: Madzulo alionse akumachoka. Ndithu kali-
pokalipo.
Kalowam’malaya: Njala
Chitsanzo: Ndikulephera kuona bwinobwino chifukwa
kandilowa m’malaya.
83