Agoloso Presents - Atondido Stories Agoloso Presents - Paphata pa Chichewa | Page 82

Paphata pa Chichewa
Kadyaubwerere: Zinthu zokoma zoti ukadya umafuna
utadyanso zina.
Chitsanzo: Zakudya zomwe amagulitsa ndi kadyaub-
werere.
Kadzanja: Wakuba.
Chitsanzo: (1) Muzisunga ndalama zanu pamalo abwino
kuopera anthu a kadzanja. (2) Mwana wanuyu ndi
wakadzanja.
Kadzidzi: Munthu yemwe sakonda kugona usiku,
munthu woyendayenda usiku.
Chitsanzo: Pitani mukagone, enawa ndi akadzidzi.
Kadziotche: Munthu wopanda mantha.
Chitsanzo: Kudzudzula bwana kumafuna akadziotche
ngati inu.
Kadziwamwini: Aliyense amadziwa yekha.
Chitsanzo: Zoti mowa wakukwana imakhala nkhani ya
kadziwamwini.
Kafanikhale: Munthu wolimba mtima.
Chitsanzo: Anamuchenjezatu kuti pamene paja
pamakhala achifwamba, koma iye uja wangokhala
kafanikhale.
Kafansiyanji: Munthu wosauka.
Chitsanzo: Asungwana otukuka safuna kukwatiwa ndi
kafansiyanji.
Kafiide: Mkazi woyera kwambiri.
Chitsanzo: Wafunsira kafiide.
Kafula: Munthu wamfupi.
Chitsanzo: Anati sangalembe ntchito kafula.
81