Agoloso Presents - Atondido Stories Agoloso Presents - Paphata pa Chichewa | Page 79

Paphata pa Chichewa
Jagalijagali: Kumangozungulirazungulira,
kumangoyendayenda.
Chitsanzo: (1) N’chifukwa chiyani mukungoti jagalijagali
apa? (2) Sakhala pakhomo, amangoti jagalijagali.
Japani: Zinthu zosalimba. Mawu amenewa anayamba
chifukwa zinthu zambiri zimene zinkabwera m’dziko lino
zinkachokera ku Japani ndipo zambiri zinkakhala
zosalimba.
Chitsanzo: Nsalu za masiku ano ndi za Japani.
Jelekani: Kapu yaikulu.
Chisanzo: Mwana ngati iweyo sangamalize chijelekani
chimenechi.
Jerezera nkhani: Kulankhula mokometsera kuti ena
akopeke.
Chitsanzo: Akayamba kuijerekeza nkhani, umatha
kudziwa kuti mwana uyu angadzachite bwino ntchito ya
utolankhani.
Jijirijijiri: Kutanganidwa ndi zinthu.
Chitsanzo: Mukawapeza ali jijirijijiri.
Jijirika: Munthu woduduluka, kapena wotengeka ndi
zinthu.
Chitsanzo: Mwana wawo uja ndi wojijirika.
Jiwa: Gwidwa ndi nyama yolusa.
Chitsanzo: Mbuzi yanga yajiwa.
Jomba: Kulephera kupita kwinakwake.
Chitsanzo: (a) Akafuna kujomba kuntchito
amangonamizira kudwala.
78