Agoloso Presents - Atondido Stories Agoloso Presents - Paphata pa Chichewa | Page 74

Paphata pa Chichewa
Idya mankhwala: Kumwa mankhwala.
Chitsanzo: Ndatopa ndi kudya mankhwala.
Idya manyazi: Chita manyazi.
Chitsanzo: Mwana wanu akatenga mimba mumadya
manyazi.
Idya matako agalu: Munthu woyendayenda.
Chitsanzo: Ameneyutu sakhazikika, anadya matako
agalu.
Idya moto:
(a) Chita bwino kwambiri.
Chitsanzo: Atsikana ambiri omwe amadya moto pa
maphunziro amakhala onyansa.
(b) Kukwiya.
Chitsanzo: Mtsikanayo atangomutukwana, mnyamatayo
anadya moto.
Idya mtedza wakhwangwala: Kuiwalaiwala.
Chitsanzo: Aphunzitsi ankakumbukira chilichonse aja
anadya mtedza wakhwangwala.
Idya zotema ndi nkhwangwa: Kupeza zinthu movutikira.
Chitsanzo: Ntchito yawathera, moti akudya zotema ndi
nkhwangwa.
Ifa mphuno:
(a) Osalota kuti pano pali chakuti.
Chitsanzo: Iyeyu ndi wakufa mphuno, zoona sakudziwa
kuti akuyankhula nayeyo ndi m’bale wake.
(b) Osamva fungo.
Chitsanzo: Amene aja mphuno zawo ndi zakufa, fungo lili
m’nyumba muja samalimvayi.
73