Agoloso Presents - Atondido Stories Agoloso Presents - Paphata pa Chichewa | Page 72

Paphata pa Chichewa
Gwira pakamwa:
(a) Kudabwa
Chitsanzo: Nditawapeza akuthyola chitseko
ndinangogwira pakamwa.
(b) Kubisa.
Chitsanzo: Akakandifunsa ndikangogwira pakamwa.
Gwira pakati: Thandiza.
Chitsanzo: Mwana ameneyu akhoza kudzatigwira pakati
m’tsogolo.
Gwira pakhosi: Menya munthu, kanyanga pakhosi.
Chitsanzo: Bwana wawo anawagwira pakhosi.
Gwira pamimba: Thandiza.
Chitsanzo: Munthu amene uja ndi amene anandigwira
pamimba.
Gwira tambala pakamwa: Kulawira.
Chitsanzo: Kuti utunge madzi pachitsime chimene chija
umafunika kugwira tambala pakamwa.
Gwira thupi:
(a) Zolowera, kupima.
Chitsanzo: Mavuto anandigwira thupi.
(b) Kukukhala, kukukwana.
Chitsanzo: Ndikufuna kuvala malaya omwe amandigwira
thupi.
Gwirani chodyeransima: Mawu amene anthu amanena
akamafuna kuti anzawo awapatse moni wa padzanja.
Chodyeransimacho amakhala akunena dzanja.
Chitsanzo: Mulipo inu! Gwirani chodyeransima.
71