Agoloso Presents - Atondido Stories Agoloso Presents - Paphata pa Chichewa | Page 68

Paphata pa Chichewa
Chitsanzo: Osamawayamba dala anthu
angadzakugululeni mano.
Gulula nkhongono (kuguluka nkhongono): Fooketsa,
kufooka chifukwa cha zinazake zimene zachitika.
Chitsanzo: (1) Zimene achitazi zandigulula nkhongono. (2)
Ndangogulukiratu nkhongono.
Gululu: Kukumana mosayembekezereka.
Chitsanzo: Anangoti gululu ndi mkazi wachibwenziyo.
Guma: Lephera.
Chitsanzo: Anaponya bwino mwalawo, koma wachita
guma.
Gunata: Kupusa.
Chitsanzo: Kugunata kwake kumeneku mungalemere inu?
Gunda mgolo: Kupeza palibe kapena kulephera.
Chitsanzo: (1) Ndinachedwa kudzuka, moti pamene
ndimakafikako ndinagunda mgolo chifukwa
ndinakawapeza kulibe. (2) Mayeso a chaka chino anali
ovuta moti ana ambiri agunda mgolo.
Gundana mitu: Kukambirana pa awiri.
Chitsanzo: Kodi tingapite kaye poduka mphepo kuti
tikagundane mitu?
Gututu: Chitini kapena chinthu chimene anthu
amakodzeramo usiku akamaopa kutuluka panja.
Chitsanzo: Kodi mwalowetsa gututu?
Guza:
(a) Chofunda, bulangete.
Chitsanzo: Amubera guza lake.
(b) Kukankha chinthu.
67