Agoloso Presents - Atondido Stories Agoloso Presents - Paphata pa Chichewa | Page 64

Paphata pa Chichewa
Gambalagambala:
(a) Kungoti balalabalala, mbwee.
Chitsanzo: Mitembo inangoti gambalagambala.
(b) Kumvekedwe ka kugwa pansi kwa chinthu.
Chitsanzo: Chitinicho chitagwa chimangoti
gambalagambala!
Ganda makande: Kuyenda wapansi.
Chitsanzo: Ndinalibe ndalama moti ndinangoganda
makande.
Ganda:
(a) Nyama ya nkhumba.
Chitsanzo: Ndagulako ganda kuti ana akaimbe lokoma
kunyumbaku.
(b) Chikopa.
Chitsanzo: Chotsani gandalo.
Gangidwa: Kumenyedwa koopsa.
Chitsanzo: Usadzayambanenso ndi amene uja,
angadzakugange tsiku lina.
Gemu yagona: Zavuta, zalephereka.
Chitsanzo: Nditaona kuti wabwerera, ndinangodziwa kuti
gemu yagona.
Genda kudambwe: Kupalamula.
Chitsanzo: Amakana kupita kumudzi chifukwa anagedwa
kudambwe.
Geya mwano: Kuyankhula chipongwe chachikulu.
Chitsanzo: (1) Mwanayu wayamba kuugeya mwano. (2)
Ana a masiku ano akumaugeya mwano.
63