Agoloso Presents - Atondido Stories Agoloso Presents - Paphata pa Chichewa | Page 53
Paphata pa Chichewa
Chitsanzo: Malitera wapeza duwa.
Duziduzi: Kuyenda limodzi, kuyenda shosholo.
Chitsanzo: Ndinawaona akuyenda duziduzi.
Dwachedwache: Kuchita zinthu movutikira, kuchita
zinthu mosalongosoka.
Chitsanzo: (1) Zochita za munthu ameneyu ndi
zadwachedwache. (2) Amangoyenda mwadwachedwache.
Dwachedwache: Wosakhulupirika kwenikweni, tambwali.
Chitsanzo: Sindimafuna mwamuna wa dwachedwache.
Dwala: Funitsitsa kwambiri.
Chitsanzo: Ndikuwadwala kwambiri makolo anga.
Dyabolosi: Munthu woipa kwambiri. Mawuwa amapezeka
m’Baibulo ndipo anachokera kuchigiriki. Amatanthauza
Satana.
Chitsanzo: Ndiwe dyabolosi eti.
Dyera mapilitsi: Dyera nandolo, nyemba, sawawa kapena
ndiwo zina za m’gulu limeneli.
Chitsanzo: Ndikagule kanyenya kuti ndipumeko kudya
mapilitsi.
Dyera mpamba (kudya mpamba): Kudyera ndalama za
geni.
Chitsanzo: Ukadyera mpamba umavutika koopsa.
Dyera nthambo: Kudyera matumbo.
Chitsanzo: Akaphika nkhuku amakonda kunena kuti ana
adyera nthambo.
Dyera pinto: Kudyera mutu wa nkhuku.
Chitsanzo: Anawanamiza anawa kuti akamakonda
kudyera pinto adzakhala anzeru kwambiri.
52