Agoloso Presents - Atondido Stories Agoloso Presents - Paphata pa Chichewa | Page 45

Paphata pa Chichewa
(b) Munthu wovuta kwambiri, wosowetsa mtendere.
Chitsanzo: Mwana wanuyu ndi chiwanda.
Chiwerewere: Mkazi kapena mwamuna yemwe amagona
ndi anthu ena kaya ali pabanja kapena ayi. Angagwirenso
ntchito ponena za munthu yemwe wasiya mwamuna
kapena mkazi wake n’kumakagona ndi anthu ena.
Chitsanzo: Mwamuna ameneyu ndi wachiwerewere.
Chiwongoladzanja:
(a) Ndalama yoonjezera pamwamba pa ndalama imene un-
abwereka kapena kukongola.
Chitsanzo: Ngongoleyi ili ndi chiwongoladzanja chochulu-
ka.
(b) Ndalama yomwe munthu amapeza akasungitsa ndala-
ma zake kubanki.
Chitsanzo: Ndikanasungitsa ndalama zanga kubanki ndi-
kanapeza chiwongoladzanja.
Chizimalupsa: Mvula yoyambirira.
Chitsanzo: Nyumba yawo inagwa ndi chizimalupsa.
Chizimbwitsa mphoyo: Kuoneka ngati munthu
wosadziwa kanthu pomwe ukudziwa bwinobwino nkhani
yake.
Chitsanzo: Anaotcha udzuwo ndi iyeyo koma atafika
anayamba kuchita chizimbwitsa mphoyo.
Chizumbazumba: Chizungulire.
Chitsanzo: Ndikuchita chizumbazumba.
Chizungulire: Kuona kuti zinthu ngati zikuzungulira.
Chitsanzo: Ndikathamanga kwambiri ndimachita
chizungulire.
44