Agoloso Presents - Atondido Stories Agoloso Presents - Paphata pa Chichewa | Page 44
Paphata pa Chichewa
chithunzithunzi cha nkhaniyi.
(b) Chifaniziro chimene chimaoneka chinthu kapena
munthu akaima padzuwa.
Chitsanzo: Dzuwa likafika paliwombo, chithunzithunzi
sichioneka.
Chitsa chotsala mulupsa: Mawuwa amanena za chitsa
chomwe chapulumuka pamene tchire limapsa.
Angatanthauze munthu wamphamvu komanso
wosatekeseka.
Chitsanzo: Ameneyu ndi chitsa chotsala mulupsa.
Chitseko ndi felemu: Kukhala ogwirizana kwambiri.
Chitsanzo: Banja limeneli ndi chitseko ndi felemu.
Chitserekwete: Munthu wopanda nzeru, wosamva,
wosathandiza.
Chitsanzo: Mwanayu ndi chitserekwete.
Chitsirizira: Munthu womalizira kubadwa.
Chitsanzo: Ine ndinadziwa kuti ndi chitsirizira nditaona
zimene ankachita. Zikuoneka kuti anamulerera pachilolo.
Chitsizi: Munthu wochita zoipa mochenjera kwambiri.
Chitsanzo: Ana osamawasiya ndi chitsizi, akhoza
kuwachita chipongwe.
Chitsulo: Munthu wamphamvu.
Chitsanzo: Ntchito imeneyi sikufunika munthu wa
mafupa a mapesi, ikufunika chitsulo.
Chiwanda:
(a) Munthu woonda kwambiri.
Chitsanzo: Mnyamata uja anadwala kwambiri moti
wasanduka chiwanda.
43