Agoloso Presents - Atondido Stories Agoloso Presents - Paphata pa Chichewa | Page 409
Bonwell “Kadyankena” Rodgers
Pali anthu ena omwe amachititsa chidwi ponyadira chinenero chawo.
Iwo amaluka komanso kukazingira chinenero chawo ndi nsinjiro za
chiyankhulo komanso mawu apatali. Amaluka mawu okhetsa dovu,
okhathamira ndi nsinjiro komanso ochititsa makutu kumva kuzuna
kwa chiyankhulo. Koma n’zomvetsa chisoni kuti masiku ano ambiri
akukankhira kumbali chinenero chathu cha Chichewa
n’kumasonkhezera zinenero za mayiko ena. Chimenenechi ndi
chizindikiro choti kupanda kusamala Chichewa chikhoza kutsenjira.