Agoloso Presents - Atondido Stories Agoloso Presents - Paphata pa Chichewa | Page 397
Paphata pa Chichewa
Zangazilipaphiri: Munthu womana kapena woumira.
Chitsanzo: Mwamuna wawo ndi zangazilipaphiri.
Zankhaninkhani: Zambirimbiri.
Chitsanzo: Ali ndi ndalama zankhaninkhani.
Zanoninoni (zonona): Za mafuta.
Chitsanzo: Tadyera ndiwo zanoninoni (zonona).
Zantchito:
(a) Mawuwa amanenedwa ngati munthu akufuna kuchita
khama pochita zinazake kapena akamalimbikitsa ena
kuchita khama.
Chitsanzo: (1) Ndikufuna kulima zantchito. (2) Anyamata
tiyeni, zantchito!
(b) Mawuwa amanenedwa wina akachitiridwa zinazake
mwamphamvu kapena mankhanza.
Chitsanzo: Anzake amumenya zantchito!
Zapana: Mawuwa amanenedwa potanthauza kuti mbuzi
zadya.
Chitsanzo: Mbuzizi zapana, pitani mukazilowetse.
Zatera pa uta: Zadzidzimutsa.
Chitsanzo: Mavutowatu atera pa uta.
Zathasalala: Zafulati.
Chitsanzo: Chitumbuwacho chikhale chathasalala.
Zathina: Zavuta.
Chitsanzo: (1) Mabwenzi enieni amaoneka zinthu
zikathina. (2) Ataona kuti zathina, anathawa.
Zatifiiritsa maso: Zatipanikiza.
Chitsanzo: Mavuto atifiiritsa maso.
Zatswayitswayi: Nyama kapena zinazake zankhuli.
Chitsanzo: Ofunika lero tidyeko zatswayitswayi.
Zawamba: Zachisawawa, zopezeka mosavuta.
Chitsanzo: Amavala zovala zawamba.
396