Agoloso Presents - Atondido Stories Agoloso Presents - Paphata pa Chichewa | Page 390

Paphata pa Chichewa
Yagona padenga: Mvula yachezera kuvumba usiku
wonse.
Chitsanzo: Mvulayi yagona padenga.
Yaka: Kuledzera kwambiri.
Chitsanzo: (1) Amakonda kuyankhula chingerezi akayaka.
(2) Ndawapeza kumowako atayakiratu.
Yakaliyakali: Kumangoyendayenda.
Chitsanzo: Anthu osowa zochita ali yakaliyakali
m’taunimu.
Yala liwiro: Kuthamanga kwambiri.
Chitsanzo: Atangomva zoti chimanga chafika, analiyala
liwiro.
Yala udzu: Pusitsa.
Chitsanzo: Sizimasowa munthu akamayala udzu.
Yalakwa: Zavuta, ndapalamula.
Chitsanzo: Nditangopsereretsa ndiwo ndinadziwa kuti
yalakwa.
Yamala: Yatha.
Chitsanzo: Ntchito yawo yamala.
Yamtidzi: Yabwino kwambiri, yawofuwofu.
Chitsanzo: Galimoto yake ndi yamtidzi.
Yamwa mphamvu: Fooketsa.
Chitsanzo: Mwala umenewu wayamwa mphamvu zanga.
Yamwirira:
(a) Kulowerera.
Chitsanzo: Dikirani kuti thonjeli liyamwirire madziwa.
(b) Wokhala kapena kubadwa m’banja lomwelo.
Chitsanzo: Anthu amene amathandizana amakhala
oyamwirira.
Yandikiza: Bweretsa pafupi.
Chitsanzo: Mukaona kuti sizili bwino, muyandikizitse
achinansi onse kuti awauze mawu omaliza.
389