Agoloso Presents - Atondido Stories Agoloso Presents - Paphata pa Chichewa | Page 39

Paphata pa Chichewa
kupolisi alandira chionamaso.
Chipere:
(a) Kutha onse.
Chitsanzo: (1) Ngoziyo itachitika, onse omwe anali
m’basiyo anali chipere. (2) Pamene njalayo inkatha, mudzi
wonse unali chipere.
(b) Kunyenyeka.
Chitsanzo: Munthu wina anagundidwa ndi sitima moti
anthu anangopeza chipere.
(c) Ndiwo zopangidwa ndi nyemba, khobwe kapena
nandolo. Nthawi zambiri amanyenya zinthuzi n’kukhala
ngati phala.
Chitsanzo: Lero tidyera chipere.
Chiphadzuwa: Mkazi wokongola kwambiri. Popeza dzuwa
limawala kwambiri komanso palibe munthu amene
anganene kuti sakuliona likamawala, mkazi wokongola
sasowa komanso aliyense amadziwa kuti pali munthu
apa.
Chitsanzo: Ana a a Bengo ndi ziphadzuwa zokhazokha.
Chiphala: Munthu wopusa ndi wosadziwa kanthu.
Chitsanzo: Mnyamata uyu ndi chiphala.
Chiphamaso: Kuchita zinthu mwachinyengo.
Chitsanzo: Mumpingo mwanumu mwadzadza anthu
achiphamaso.
Chiphapha:
(a) Munthu wopanda mphamvu.
Chitsanzo: Sanganimenye ine. Iye ujatu ndi chiphapha.
(b) Chigalimoto kapena chipangizo china chakutha.
38