Agoloso Presents - Atondido Stories Agoloso Presents - Paphata pa Chichewa | Page 388
Paphata pa Chichewa
Wototobwa: Wopusa.
Chitsanzo: Bambowa ndi wototobwa.
Wotukwanitsa mafupa: Mwana waulesi, mwana wopanda
khalidwe.
Chitsanzo: Iwe ndiwe mwana wotukwanitsa mafupa.
Wouma m’maso: Munthu wosalira nsanga.
Chitsanzo: Mwanayu ndi wouma m’maso, ngakhale
umumenye salira.
Wouma mtima: Wopanda chisoni, wosamva chisoni.
Chitsanzo: (1) Mtsikanayu ndi wouma mtima. (2) Anthu
ambiri ogwira ntchito kumotchale amakhala ouma mtima.
Wouma mutu: Wopanda nzeru.
Chitsanzo: Mwanayu ndi wouma mutu, m’kope mwake
muli zithetho zokhazokha.
Wowala: Wokongola.
Chitsanzo: Komatu mtsikana uja ndi wowala!
Wowirira: Wovuta.
Chitsanzo: (1) Aphunzitsi athu ndi wowirira, safuna
zachibwana. (2) Mayeso anatilembetsa lero anali owirira.
Woyamwa lina: Munthu wadera yemwe si m’bale wako.
Chitsanzo: Uzithandiza abale ako m’malo mothandiza
woyamwa lina.
Woyangata ena: Wachisoni, wokonda kuthandiza ena.
Chitsanzo: Amalume ndi munthu woyangata ena.
Woyendayenda: Wokonda chiwerewere.
Chitsanzo: Azimayi oyendayenda amakhala opanda
manyazi.
Wozerezeka: Wamisala, wosaganiza bwino.
Chitsanzo: Chimenechi si chikondi ayi, wina wazerezeka.
Wozezeduka: Wochenjeretsa, wotengeka.
Chitsanzo: Mwana wanuyu ndi wozezeduka.
387