Agoloso Presents - Atondido Stories Agoloso Presents - Paphata pa Chichewa | Page 386

Paphata pa Chichewa
(b) Wovuta kwambiri.
Chitsanzo: Akanadziwa kuti nanenso ndi wopenga
sakanandiputa.
Wopeza bwino: Andalama, olemera.
Chitsanzo: Banja lawo ndi lopeza bwino.
Wopulukira: Wosokonekera, wosaphunzira,
kuwonongeka.
Chitsanzo: Makolo akamalekerera mwana, mwanayo
amapulukira.
Wosalongosoka: Wa khalidwe loipa, kawirikawiri
amakhala hule.
Chitsanzo: Mtsikana mukufuna kumanga naye banjayu
ndi wosalongosoka.
Wosamva: Munthu amene umati ukamuuza zinthu
sachita, kapena kumuuza zina iye kuchita zina.
Chitsanzo: Mwana wanuyu ndi wosamva.
Wosanunkha kanthu: Wosathandiza, wopanda ntchito.
Chitsanzo: Ife ndiye ndi osanukha kanthu, palibe chimene
tingakuthandizeni.
Wosanunkha kanthu: Wosathandiza, wopanda ntchito.
Chitsanzo: Ife ndiye ndi osanunkha kanthu.
Wosasunthika: Munthu wolimba mtima, wamphamvu,
wosasinthasintha.
Chitsanzo: (1) Amene aja ndi mayi wosatekeseka. (2) Uyu
ndi Nkhristu wosatekeseka.
Wosatekeseka:
(a) Munthu wolimba mtima, wamphamvu,
wosasinthasitha komanso wosasunthika.
Chitsanzo: (1) Amene aja ndi mayi wosasunthika. (2) Uyu
ndi Nkhristu wosasunthika.
(b) Kusagwedezeka, munthu wopanda mantha, yemwe
sasiya chinthu chifukwa ena akumunyoza.
Chitsanzo: Iye samatekeseka ena akamamunyoza.
385