Agoloso Presents - Atondido Stories Agoloso Presents - Paphata pa Chichewa | Page 382

Paphata pa Chichewa
Woduka mutu: Wopanda mnzeru.
Chitsanzo: Sindimadziwa kuti mayiwa ndi woduka mutu!
Wodwala m’mutu: Wosokonekera, wovuta.
Chitsanzo: Mtsikana ameneyu ndi wodwala m’mutu.
Wodwala:
(a) Ali ndi mimba.
Chitsanzo: Mtsikana wanuyu ndi wodwala.
(b) Wamisala, yemwe mutu wake suyenda bwino.
Chitsanzo: Bambo uja ndi wodwala.
Wodya matako a galu: Munthu woyendayenda.
Chitsanzo: Safuna kukhala pansi, amakhala ngati anadya
matako a galu.
Wodzikhuthula: Wodzipereka.
Chitsanzo: (1) Amagwira ntchito modzikhuthula ngati
anabadwira zomwezo. (2) Mnyamata ameneyu ndi
wodzikhuthura.
Wodzilimbikira: Wolimbikira ntchito, wakhama.
Chitsanzo: Munthu wodzilimbikira ndi amene amalemera.
Wodzipereka: Wakhama, amadzipereka kuchita
chilichonse.
Chitsanzo: Mnyamatayu ndi wodzipereka pantchito.
Wofunda nthunzi: Wopusa.
Chitsanzo: Achimwene anu aja ndi wofunda nthunzi.
Wogangalama: Wovuta.
Chitsanzo: Bambo uja ndi wogangalama.
Wogona, watulo, wozizira, wodontha, wochucha:
Munthu wopusa.
Chitsanzo: Ukhoza kumupusitsa, munthu wake ndi
wogona.
Wogunata: Wopusa.
Chitsanzo: Ukamayenda ndi munthu wogunata, nawenso
umasanduka wogunata.
381