Agoloso Presents - Atondido Stories Agoloso Presents - Paphata pa Chichewa | Page 381
Paphata pa Chichewa
Wirawira: Lendelende, kulendewera.
Chitsanzo: Agogo awo akamayenda amangoti nsanza
wirawira.
Wiringula: Dandaula, nyinyirika.
Chitsanzo: Anthu akumangowiringula, akuti chimangachi
chikudula.
Wobaizika: Wamisala.
Chitsanzo: Kubanja lawo kuli anthu ambiri obaizika.
Wobalalika: Munthu yemwe zimakonda kumusokonekera.
Chitsanzo: Achimwene anu aja ndi wobalalika, ukawauza
kuti achite chinthu amangoti maso mwazumwazu.
Wobwebweta:
(a) Wogwidwa ndi mizimu. Anthu ena amakhulupirira kuti
mizimu imatha kuthandiza anthu kudziwa zam’tsogolo.
Chitsanzo: Kumtundaku kuli mayi wobwebweta, akhoza
kukuuzani chifukwa chake mukukumana ndi mavuto.
(b) Munthu amene amayankhula akamagona.
Chitsanzo: Akaona zoopsa amabwebweta akamagona.
Wobwevuka: Wolongolola.
Chitsanzo: Mwana wanuyu ndi wobwevuka.
Wocha pakamwa: Wodziwa kuyankhula.
Chitsanzo: Kwa amfumuko mutumizeko munthu wocha
pakamwa.
Wochenjera pakamwa: Wodziwa kuyankhula.
Chitsanzo: Mwanayu ndi wochenjera pakamwa.
Wochita zinthu mwaumoyo: Mwachibadwa.
Chitsanzo: Munthu wodziwa kuyankhula amachita zinthu
mwaumoyo.
Wochuluka nzeru: Wodziona kuti ndi wozindikira.
Chitsanzo: Achimwene ndinu wochuluka nzeru kwabasi!
Wodikirira matenda: Munthu wodwazika matenda.
Chitsanzo: Ndikupita kukadikirira matenda.
380