Agoloso Presents - Atondido Stories Agoloso Presents - Paphata pa Chichewa | Page 380

Paphata pa Chichewa
(b) Chosalimba.
Chitsanzo: Nsungwizi ndi za wedewede.
Wedewede: Kupanda mphamvu, kusalimba.
Chitsanzo: Ntchito iyi sifuna munthu wawedewede.
Wefuwefu: Kupuma mosonyeza kutopa.
Chitsanzo: Wathamanga kwa nthawi yaitali moti ali
wefuwefu.
Wenderera: Yenda mozemberera munthu winawake.
Chitsanzo: Eti kubwerabweraku akuwenderera kamkazi
kaja!
Wengana: Dana.
Chitsanzo: Simukudabwa kuti anasiya kuyankhulana.
Anawenganatu!
Werenga kalata wam’thumba: Kumangoganizira kuti ndi
zimene zitachitike.
Chitsanzo: Wadziwa bwanji kuti akutenga?
Ukuwerengeratu kalata wam’thumba iwe!
Werengera madzi amphutsi: Kudikira popanda kanthu,
kudalira zinthu zomwe kulibe.
Chitsanzo: Ngati ukuganiza kuti ndidzakukongoza
ndalama ndiye ukuwerengera madzi amphutsi.
Werengera: Kukudalira, kuikidwa m’gulu la anthu
ofunika.
Chitsanzo: Lero mpamene ndadziwa kuti
amandiwerengera kuti ndine m’bale wawo.
Werewere: Kuyenda mosadziwika bwino.
Chitsanzo: Kodi bambo ameneyu watani akumangoti
werewere?
Wereweta: Kulongolola, kunena mabodza.
Chitsanzo: Uzingowayang’ana akayamba kuwereweta.
Wezuka: Kuyera.
Chitsanzo: Tiyambe kudzola zodzoladzola kuti nafenso
tiwezukeko.
379