Agoloso Presents - Atondido Stories Agoloso Presents - Paphata pa Chichewa | Page 371

Paphata pa Chichewa
Vulira malaya: Kukonzekera kugwira ntchito, kutsimikiza
kuti ntchito ilipo.
Chitsanzo: Anawaphikira nsima yangati phiri, ndipo
anachita kuivulira malaya n’kuyamba kuichita kanthu.
Vumata: Kuika m’kamwa koma osameza kapena kuluma.
Chitsanzo: Azimayi amavumata phala asanadyetse mwana
wawo.
Vumbuluka: Kubwerera kumudzi patapita nthawi yaitali,
kubwera mwadzidzidzi.
Chitsanzo: Chakuchititsani n’chiyani kuti muvumbuluke
kutauniku?
Vumbulutsa: Thamangitsa, thotha, sokoloka.
Chitsanzo: Akakupezani pamenepa akuvumbulutsani.
Vumbwa:
(a) Chita manyazi, nyowa ndi mvula.
Chitsanzo: Anayankhula zoduka mutu, moti anavumbwa
kwabasi.
(b) Onse omwe anayenda wapansi avumbwa.
Vundula: Yambanditsa anthu, danitsa, ononga zinthu.
Chitsanzo: Wachoka atavundula pamudzi pano.
Vuvuta: Kumenya munthu koopsa.
Chitsanzo: Amuvuvuta anzake.
Vwivwiniza: Kukhulitsa, kugwetsera chinthu penapake.
Chitsanzo: Anamugwira n’kukamuvwivwiniza m’madothi.
370