Agoloso Presents - Atondido Stories Agoloso Presents - Paphata pa Chichewa | Page 35

Paphata pa Chichewa
Chiledzerere: Munthu amene nthawi zonse amangokhala
woledzera.
Chitsanzo: Kodi chiledzerere chija chili kuti?
Chilengwalengwa:
(a) Chinthu chomwe si chenicheni.
Chitsanzo: Chimene mwaonacho ndi chilengwalengwa.
(b) Munthu wopanda pokomera, wopanda ntchito.
Chitsanzo: Chilengwalengwa chija chinabweranso
kudzapempha lero.
Chiletso: Wovuta kwambiri, wotopetsa.
Chitsanzo: Mwana uyu ndi chiletso.
Chilombo:
(a) Gule.
Chitsanzo: Chilombocho atachiitanira kanyenya,
chinatenga kuti chikadyere nsima kunyumba.
(b) Munthu wamphamvu yemwe mwina amakonda
kumenya anzake.
Chitsanzo: Palime amene sadziwa kuti munthu amene uja
ndi chilombo.
(c) Munthu woipa mtima yemwe samva chisoni anzake
akamazunzika.
Chitsanzo: Amene aja ndi chilombo ndithu, zoona
kumangoonerera mwana wawo akufa ndi njala?
(d) Munthu waluso kwambiri
Chitsanzo: Amene uja ndi chilombo cha masamu.
(e) Munthu wankhanza.
Chitsanzo: Ndani angakonde kukwatiwa ndi chilombo
ngati chimene chija.
Chimanjamanja: Kuyenda osatenga kanthu.
34