Agoloso Presents - Atondido Stories Agoloso Presents - Paphata pa Chichewa | Page 340

Paphata pa Chichewa
Siigwira ayi: Sizitheka ayi.
Chitsanzo: Nkhani mukunenayi siigwira ayi, ingoku-
lowetsani m’mavuto.
Sindimaimva: Sindimalola zachibwana.
Chitsanzo: Wina akamafuna kundipusitsa sindimaimva,
ndimamusonyeza kuti nanenso ndi duli.
Sindimayenda: Ndimakonda kukhala pakhomo.
Chitsanzo: Mukadzabwera tsiku lililonse mudzandipeza,
sindimayenda ine.
Sindinabwere kudzachititsa msonkhano: Sindinabwere
kudzakhazikika, sindinabwere kudzachita zambiri.
Chitsanzo: Sindinabwere kudzachititsa msonkhano,
ndikungodutsa.
Sindiona: Mawuwa amanenedwa ndi munthu amene sa-
matha kuwerenga m’malo mongonena kuti kusukulu
sanapiteko.
Chitsanzo: (1) Ngakhale muwapatse kalatayo palibe
chimene angatolepo chifukwa samaona. (2) Mukawapatsa
buku mungoononga, samaona.
Sindyeka: Munthu wosatheka kumenyedwa.
Chitsanzo: Amene ujatu ndi sindyeka, koma tsiku lina
adzadyeka ndi mafupa omwe.
Singano ndi ulusi: Kulikonse kumene winayo walowera
mnzake amalowelanso komweko.
Chitsanzo: Kuyambira lero tizikhala ngati singano ndi
ulusi.
Sisita: Gwira ntchito pang’onopang’ono.
Chitsanzo: Anthu ena amadziwa ntchito ndithu, koma
amangosisita.
Sisitira bombono: Zengereza.
Chitsanzo: Akafuna kuchita chinthu amakonda kusisitira
bombono.
339