Agoloso Presents - Atondido Stories Agoloso Presents - Paphata pa Chichewa | Page 332

Paphata pa Chichewa
Psinja (psinjana): Panikiza, panikizana.
Chitsanzo: (1) Mavuto amupsinja. (2) Anthu amenewa
amapsinjana.
Psipitsa mpani: Bera munthu, kutengera munthu wina
chinthu.
Chitsanzo: Mnzake uja ndi amene wamupsipitsa mpani.
Psitiriza: Pondereza.
Chitsanzo: Akuluakulu aboma akumangopsitiriza am-
phawi.
Psota: Kumenyedwa kwambiri.
Chitsanzo: Anzake amupsota kwambiri.
Psuta: Munthu wakuba.
Chitsanzo: Tam’pusitsa psuta uja.
Pukusa mutu: Kukana.
Chitsanzo: Atamufunsa anangopukusa mutu.
Pukusika: Kuyenda monyada.
Chitsanzo: Kodi mukudzizunziranji pomayenda
mopukusika apa? Palibetu angakufunsireni pano!
Pulula:
(a) Kulephera.
Chitsanzo: Wapulula, amaganiza kuti agwira!
(b) Kumaliza zonse ngakhale zosakhwima, kupha onse.
Chitsanzo: Matenda a edzi akupulula miyoyo ya anthu.
Pululu: Posatseka.
Chitsanzo: Anangosiya kukhomo kuli pululu.
Puma fwekufweku: Matenda oti mwina sachira, kuvutika
kupuma.
Chitsanzo: Sali bwino mpangono pomwe, akungopuma
fwekufweku.
Puma kupha nyerere: Kusiya kuyenda wapansi, kuyenda
pagalimoto kapena njinga.
Chitsanzo: Lero ndipumeko kupha nyerere.
331