Agoloso Presents - Atondido Stories Agoloso Presents - Paphata pa Chichewa | Page 327
Paphata pa Chichewa
Chitsanzo: (1) Ntchito yosoka nsapato ndi chisongole si-
funa munthu waphuma. (2) Mnyamatayu ndi waphuma.
Phunzi: Phewa.
Chitsanzo: Bwera ndikunyamule paphunzi.
Phuvumula: Menya koopsa.
Chitsanzo: Chimunthu chimenechi n’chofunika
kuchiphuvumula.
Phwamwamwa: Zochuluka zedi, zambirimbiri.
Chitsanzo: Pakhomo pawo zakudya zili phwamwamwa.
Phwando ladzaoneni: Phwando lalikulu.
Chitsanzo: Anachita phwando ladzaoneni.
Phwanya:
(a) Chakudya.
Chitsanzo: Lowanitu, muli phwanya m’nyumbamu.
(b) Menya modyetsa nkhawa, menya koospa.
Chitsanzo: Ukuchita makani, ndikuphwanyatu!
Phwasula: Menya koopsa, panda.
Chitsanzo: Akachita masewera ndimuphwasula.
Phwete: Kuseka kwambiri.
Chitsanzo: (1) Musandipangitse phwete. (2) Mwanayu ndi
waphwete.
Phwetsa m’khuto: Kupuma utamaliza kudya.
Chitsanzo: Ndikakhala pampando wa ndakhuta ndalema
kuti ndikaphwetse nkhuto.
Phwintha: Kuunjiza kapena kuika zambirimbiri.
Chitsanzo: (1) Ndiwozi aziphwintha mchere. (2) Nsimayi
mwaiphwintha ufa.
Pikitipikiti (pichikapichika): Kuyendayenda kwa anthu.
Chitsanzo: Anthuwo amangoti pikitipikiti.
Pinda mchira: Kuchita mantha.
Chitsanzo: Zinthu zikavuta chonchi ambiri amangopinda
mchira n’kuthawa.
326