Agoloso Presents - Atondido Stories Agoloso Presents - Paphata pa Chichewa | Page 314
Paphata pa Chichewa
Onekera chimphonongolo: Pusa.
Chitsanzo: Amafuna azioneka ochenjera kwinaku akuon-
ekera chimphonongolo.
Onekera matumbo: Wonyozeka ndi wopanda mphamvu.
Chitsanzo: Kodi munthu woonekera matumbo uja
angamenye munthu?
Onekera uchitsiru: Kupusa.
Chitsanzo: Apa ndiye mwaonekera uchitsirutu.
Onera pakhosi: Matenda oti mwina sachira.
Chitsanzo: Tinapita kukawaona, komatu timangoonera
pakhosi kuti ali moyo.
Onerana m’madzi (kuyang’anirana m’madzi): Kudana,
kusalemekezana.
Chitsanzo: Mbewa ndi zimene zinachititsa kuti ayambe
kuonerana m’madzi.
Onetsa chinameta nkhanga mpala: Menya kwambiri,
onetsa zakuda.
Chitsanzo: Ukadzabanso mango mumtengo wangawu, ndi-
dzakuonetsa chinameta nkhanga mpala.
Onetsa dzino (mano): Sekerera.
Chitsanzo: Sindinamuonepo akuonetsa dzino.
Onetsa miyendo: Ulula zinazake, kuchititsa kuti nkhani
kapena chinachake chionekere poyera.
Chitsanzo: Muzichita zinthu mosamala, tisachite kuonetsa
miyendo.
Onetsa nkolokolo: Kupusa.
Chitsanzo: Bambowa amayankhula ngati anzeru kwinaku
akuonetsa nkolokolo.
Onetsa polekera: Mavuto osaneneka, khaulitsa.
Chitsanzo: Akabweranso mowa uli m’mutu ndimuonetsa
polekera.
313