Agoloso Presents - Atondido Stories Agoloso Presents - Paphata pa Chichewa | Page 308

Paphata pa Chichewa
Nyanyala: Kukana kuchita zinthu, kukwiya.
Chitsanzo: Anamunena ndiye wanyanyala.
Nyatwa: Mawuwa amanenedwa potamanda chinthu kuti
chili bwino kwambiri.
Chitsanzo: Njinga imeneyi ndi nyatwa.
Nyau:
(a) Munthu wosaoneka bwino.
Chitsanzo: Tachionani chinyau chikubwera apocho.
(b) Gule.
Chitsanzo: Chinyau chikuvina kunsewuko.
Nyazitsa: Kunena zoipa zokhudza munthu kapena chin-
thu.
Chitsanzo: N’chifukwa chiyani mukunyazitsa dzina langa.
Nyengana:
(a) Kunamizana.
Chitsanzo: Ananyengana kudya galu.
(b) Kuchita chiwerewere.
Chitsanzo: Abusa akulalikira kutsogolowo anawagwira
akunyengana ndi nkhosa yawo.
Nyengerera: Kopa munthu, kambirana naye kuti achite
zimene ukufuna.
Chitsanzo: Gomonda amandinyengerera kuti ndimugulitse
njinga.
Nyengo ya masika: Nyengo yomwe anthu amagawana
zinthu, nyengo yomwe anthu amakolola mbewu za-
kumunda.
Chitsanzo: Nyengo ya masika yafika tinenepe.
Nyengo yachisanu: Nyengo yozizira yomwe kumagwa
timawawa.
Chitsanzo: Nyengo yachisanu imandisangalatsa.
Nyenwa: Ali ndi nsanje.
Chitsanzo: Mayiwa ali ndi nyenwa.
307