Agoloso Presents - Atondido Stories Agoloso Presents - Paphata pa Chichewa | Page 30

Paphata pa Chichewa
Chibwenzi chanseri: Chibwenzi chobisa. Nthawi zambiri
munthu amakhala ndi chibwenzi chimenechi ali ndi
mkazi kale.
Chitsanzo: Bambowa ali ndi chibwenzi chanseri.
Chibwenzi: Mwamuna ndi mkazi omwe amakondana,
omwe akufuna kuti adzakwatirane.
Chitsanzo: Anthuwa ali pachibwenzi.
Chibwibwi: Kudodoma, kulephera kuyankhula
bwinobwino chifukwa cha matenda, chibadwa, kapena
kusokonezeka ndi zinazake.
Chitsanzo: Amachita chibwibwi.
Chichewa chagwadagwa: Chozama.
Chitsanzo: Akuyankhula Chichewa chagwadagwa.
Chichewa chitalichitali: Mawu ozama.
Chitsanzo: Atakwiya anayamba kuyankhula chichewa
chitalichitali cholukana ndi mwano.
Chichewa: Amatanthauza zoyankhula, zonena kapena
mawu.
Chitsanzo: (1) Ndikusowa chichewa choti ndingawauze. (2)
Anthu aja anasemphana chichewa.
Chichiri: Chipilala.
Chitsanzo: Akufuna kumanga chichiri pokumbukira anthu
omwe anamenyera ufulu wa dziko lino.
Chidakwa: Woledzera.
Chitsanzo: Mtsikana wabwinobwino uja anakwatiwa ndi
chidakwa.
Chidamuyabwa chitedze: Adatenga matenda.
Chitsanzo: Alamwanu ajatu chidawayabwa chitedze.
29