Agoloso Presents - Atondido Stories Agoloso Presents - Paphata pa Chichewa | Page 275
Paphata pa Chichewa
Muzigona kutali ndi moto: Kuthokoza wina atakuchitira
chabwino, mawu amene amanenedwa poyamikira
kwambiri, zikomo wamkulu.
Chitsanzo: Mwatithandiza zedi, muzigona kutali ndi moto
kuti mungapse.
Muzikula: Muzichita zinthu ngati munthu wamkulu.
Chitsanzo: Muzikula inu, nsinkhu umenewu mung-
amasewerebe ndi ana?
Mvera m’maso: Kusamvetsetsa zinthu.
Chitsanzo: Kodi umamvera m’maso? Monse ndayambira
kukuuza muja!
Mvera m’mphuno: Kulephera kumvetsa zinthu.
Chitsanzo: Kodi mwana wanuyu amamvera m’mphuno?
Mvera m’nkhongono: kuchita ulesi.
Chitsanzo: Ngati umamvera m’nkhongono, ndi bwino kuti
usakwatire.
Mvumbi: Kumangoyankhula zambirimbiri osasiya
Chitsanzo: Akayamba kuyankhulatu imakhala mvumbi,
moti kuti asiye umafunika kungowapatsa bota.
Mvundula madzi: Munthu wodanitsa.
Chitsanzo: Amvundula madzi amabwera ngati anthu
abwino.
Mwabwera mwatha: Mwabwera basi palibenso chimene
mungachite.
Chitsanzo: Mwabwera mwatha, ingolimbani mtima.
Mwabwera mwatipeza: Mwabwera basi palibenso
chimene mungachite.
Chitsanzo: Mwabwera mwatipeza, ingolimbani mtima.
Mwachifatse: Modekha.
Chitsanzo: Uzichita zinthu mwachifatse.
Mwachisawawa: Mopanda dongosolo.
Chitsanzo: Sindimafuna kuti anthu amene
274