Agoloso Presents - Atondido Stories Agoloso Presents - Paphata pa Chichewa | Page 244

Paphata pa Chichewa
Matudzi (tubzi): Manyi, bibi.
Chitsanzo: (1) Ana ena a sukulu amalemba khoma ndi
matudzi. (2) Kabudula wakoyu ali ndi matudzi.
Matukutuku a pida: Woyankhulayankhula koma alibe
mphamvu.
Chitsanzo: (1) Atamufwafwantha mpamene ndinadziwa
kuti ankangochita matukutuku a pida. (2) Iwe usamachite
matukutuku a pida, ndingakuponde!
Matukutuku: Kuvuta, kuchita makani.
Chitsanzo: Mukamachitsa matukutuku tikuthamangitsani.
Matula: Kukubera.
Chitsanzo: Mbala zamatula katundu yense wa munthu
wolemera uja.
Mavu adaning’a onse pakati: Tiyeni tipangane.
Chitsanzo: Tiyeni tikumane, pajatu mavu adaning’a onse.
Mavunkhomola:
(a) Munthu waukali.
Chitsanzo: Azichimwene a munthu amene uja ndi
mavunkhomola. Udzawapute uone.
(b) Mavu akuda omwe amaluma koopsa.
Chitsanzo: Amuluma mavunkhomola.
Mavuto omiza msinkhu (mavuto oposa msinkhu):
Mavuto ochuluka.
Chitsanzo: Mavuto amene ndikukumana nawo angotsala
pang’ono kumiza msinkhu wanga.
Mavuto onenepa: Mavuto aakulu.
Chitsanzo: Umakula mopusa ukapanda kukumana ndi
mavuto onenepa.
Mavuto sakukata: Mavuto sakutha.
Chitsanzo: Kungochokera chaka chatha, mavuto sakukata
pakhomo pano.
Mavuto si maliro okha: Palinso mavuto ena aakulu
mofanana ndi maliro.
243