Agoloso Presents - Atondido Stories Agoloso Presents - Paphata pa Chichewa | Page 240

Paphata pa Chichewa
Chitsanzo: (1) Ndinakumana nawo ali mapazi potopoto
kubwera kuno. (2) Usamangoti mapazi potopoto utipon-
dera ufa.
Mapepala: Masatifiketi.
Chitsanzo: Masiku ano sungapeze ntchito popanda
mapepala olongosoka.
Mapewa m’mwamba: Kunyada.
Chitsanzo: Masiku ano akumayenda mapewa ali
m’mwamba.
Mapirikaniro: Makutu.
Chitsanzo: Mwanayu samva, amakhala ngati walongedza
mapirikaniro m’thumba.
Mapokoso: Mikangano.
Chitsanzo: Sindikufuna mapokoso pakhomo panga pano.
Masagwidi: Matenda otupa masaya.
Chitsanzo: Akudwala masagwidi.
Masanje: Zachibwana.
Chitsanzo: Amene mukuchita apawatu ndi masanje.
Masautso: Mavuto.
Chitsanzo: Akumana ndi masautso ambiri pamoyo wawo.
Masiku aja: Kalekale.
Chitsanzo: Ndimaona kuti moyo unali bwino masiku aja.
Masilamusi: Zamatseka kapena zaufiti.
Chitsanzo: (1) Sindimakonda kuonera mafilimu
amasilamusi. (2) Anthu amenewa ndi amasilamusi.
Maso afiira: Kudikira kopanda kanthu.
Chitsanzo: Tiyeni tifulumire tingakapeze maso a makolo
atafiira.
Maso akuthwa: Amaona bwino kwambiri.
Chitsanzo: Ana ake ali ndi maso akuthwa,
simungapatsirane chinthu iwo osaona.
239