Agoloso Presents - Atondido Stories Agoloso Presents - Paphata pa Chichewa | Page 24

Paphata pa Chichewa
Chakudya chili pamphuno: Chakudya chili pafupi.
Chitsanzo: Masiku ano chakudya chili pamphuno.
Chakudya chogwira pamimba: Chakudya chokhutsitsa.
Chitanzo: Mutiphikire chakudya chogwira pamimba.
Chakudya chotsakamira m’mano: Chakudya chochepa.
Chitsanzo: Chakudya chimene anatipatsa
changotsakamira m’mano.
Chakufa sichiopa kuola (kutulutsa fungo): Mawuwa
amanenedwa munthu akamakumana ndi mavuto ndiye
walimba mtima kuti alimbana nawo mosasamala kanthu
zomwe akumane nazo.
Chitsanzo: Kaya andichotsa ntchito, zawo zimenezo.
Chakupha sichiopa kuola (kutulutsa fungo).
Chakukhosi: Mawuwa amanenedwa ngati munthu wina
ali ndi mawu oti anene koma sanawayankhule.
Angatanthauzenso kusunga zifukwa.
Chitsanzo: Akazi anu aja ali ndi chakukhosi.
Chakumwa cha tsoo (chakumwa cha tswaa): Mowa.
Chitsanzo: Kodi mumamwa zakumwa za tsoo?
Chakumwa: Mowa.
Chitsanzo: Kodi mumachita nacho chakumwa?
Chakwanuleka: Ukayenda umayenera kumachita zimene
wauzidwa kumene wapita. Malo omwe ukapita umafunika
kusiya zimene unazolowera.
Chitsanzo: Kumene mwabwera kunotu ndi kwa
chakwanuleka.
23