Agoloso Presents - Atondido Stories Agoloso Presents - Paphata pa Chichewa | Page 236
Paphata pa Chichewa
Malipsata: Ali maliseche, osavala.
Chitsanzo: (1) Anamuyendetsa mudzi wonse ali malipsata.
(2) Akumazungulira nyumba usiku ali malipsata.
Malirom’mbale: Ndiwo ya nyama.
Chitsanzo: (1) Ife ndiye malirom’mbale timawalawira
m’maukwati kapena m’masadakamu. (2) Ndiwo zake
zikakhala malirom’mbale, amabisa mphika kuchipinda.
Maliseche:
(a) Malo obisika.
Chitsanzo: Ndi bwino kumalangiza ana anu kuti anthu
ena asamawagwire maliseche.
(b) Wosavala.
Chitsanzo: Anthu ambiri akapita kunyanja amangoyenda
maliseche.
Malo athyathyathya: Malo afulati, Malo opanda chi-
tunda.
Chitsanzo: Ndikufuna kugula malo athyathyathya, osati
paphiri.
Malo athyathyathya: Malo opanda chitunda, malo
afulati, chigwa.
Chitsanzo: (1) Masewera amenewa amakhala bwino
pamalo athyathyathya. (2) Ulimi umakoma pamalo
athyathyathya.
Malo obisika: Kumaliseche.
Chitsanzo: Osamavala zovala zoonetsa malo obisika.
Malo osayenera: Maliseche, malo obisika.
Chitsanzo: Usadzalowe kuti munthu wina akugwire malo
osayenera.
Malodza: Zodabwitsa, zachilendo.
Chitsanzo: Chaka chino tiona malodza ndithu, ndi awa
omwe kugula njinga?
Malonda a mphaka (chona): Malonda okayikitsa, malon-
da achinyengo, kugulitsana kanthu komwe sunakaone.
235